شوفوا مغامرتي في الصغر هههههه رووووووعة .!!

شوفوا مغامرتي في الصغر هههههه رووووووعة .!!

مدونة الطفولة مع خالد


راح تتعبوا وانتو بتقرءوا بس حلوووووووووووووة والله ......!!!!!!



اليكم واحدة من عشرات قصص طفولتي وايام الولدنة

في احد ليالي صيف عام 2007 طبعا كانت ليلة معتمة لانو الكهربا كانت قاطعة كنت بالتحديد في منطقة اسمها بيارات الحلو

وكان معي شخص من العائلة لا داعي لذكرو ..

والمنطقة هديك يعني بعد المغرب بعد العشاء بتنعدم فيها الحركة لانها منطقة زراعية وغير هيك مخيفة لانو لل يوجد

فيها اضائة فأنا لقيت الجو مناسب عشان أعمل مقلب في القرية كخكخ اخوف فيها سكان المنطقة وطلبت من الي معي

يجيبلي جلبية بيضة بشرط تكون طويلة وغطا راس يكون ابيض وعصاية طويلة شوي .

ما قصر هوا وجابلي كل الي طلبتوا لانو بيتهم قريب كتير ...

لبست وسرت كلي ابيض في ابيض ووقفت يومها عند ارض انكتل فيها واحد ظلم مات مظلوم وكان المعروف بين سكان

المنطقة انو أي واحد بمر من جمب الارض فالليل بطلعلو خيال هاد الشخص المظلوم وكان اسم الارض ارض الحلو

استغليت المعلومة هادي ورحت وقفت عند الارض وبلشت كل ما اشوف واحد جاي ناحيتي اقعد احكي طلاسم

وخرابيط واحرك فالعصاية واطلع اصوات غريبة مشان اعمل جو خوف للسكان زي ( هاااااا هاااا هاااااااع انا امير الجان

اتيتكم من بلاد فارس وكنت احرك اغصان الشجر مشان يحسوا انو انا شبح او شيطاااان طبعا اغلب الي شافوني

احترموا حالهم وما فاتوا الشارع باستثناء رجال هيك مبين عليه كبير بالسن بس شاد حيلو بمشي وبتحرك الا هوا جاي

ناحيتي بيركض ولمن وصلني الا هوا بقلي مين انتا ؟؟

نظرت الو ولم احرك ساكنا ووقفت زي وقفة الاشباح وكرر السؤال لمن كرر سؤالو رديت عليه بلغة عربية فصحة

( انا الرجل الذي قتلتموني في هذه الارض ظلما وبهتانا وها انا خرجت من المقبرة بعد انتهائكم من صلاة العشاء لكي

استعيد ارضي من جديد طبعا الزلمة مات على قصة الارض هادي الزلمة بللللللم وبطل يجمع وضلو واقف انا قلت في قرارة

نفسي بدي اختفي بلاش يسيرلو اشي ولمن حاولت اني اطلع من المنطقة الا هوا ماسك طرف جلبيتي وبدو يشد فيا

وصار يزعق انا قلت اكلت هوا اسلخه هواية يا عبدالله واشرد بلاش يمسكوك اهل المنطقة المهم رميت العصاية عالارض

وضربته هواية على ايدوا الي كان ماسكني فيها وضليت شارد طبعا الشرود كان صعب لانو الارض كانت مليانة خشب

ورابش واسلاك شائكة وشردت من المنطقة كلها بس اسمعتو بيقول هاذي الارض مسكونة الحلو مات وشبع موت وصوتو

عالي وبزعق وانتهت الحكاية انو تاني يوم جيت عالمنطقة العصريات وكان حديث الناس عالقصة هادي وعن الزلمة الي طلع

من المقبرة وفاعت القصة فترة ويا حرام مشعارفين انو الشبح الي طلع من المقبرة هوا انا بس مش حكرر هادي القصة

لانو مش كل مرة بتسلم الجرة ..


والسلام عليكم أرجو أن تعجبكم قصتي ههههههه.. مقلب كألف ..

---

a,t,h lyhlvjd td hgwyv iiiiii v,,,,,,um >!!