حي الله الأعضـاء والعضـوات المنتازين
نظراً لأن فترتنا هالحين فترة مناسبة لكل الدول .. قلت أنزل هالموضوع وإن شاءلله يعجبكم
وهـو عبـارة عن موضـوع يعتمد على مشاركاتكم وتفاعلكم .. والفكرة إن شاءلله واضحكة وبسيطة
وهـو أن لكل واحد طريقته في التعبير عن إعجـابه لناديـه [ ومن الحب ماقتل ] .. بعض الناس
تكتفي بالمتابعة والـ 90 دقيقة وخـلاص , وبعض النـاس [ لا ] .. يصاب بالحب الاعمى لناديه :D
وتلقاه يسوي كل شي على امل انه يعبر عن الحب المدفون اللي في قليبه ومسهره الليالي
ومن هنا أستنتجت هالفكرة اللي قلت اكتب بها موضوع .. يعني بعض الناس كل موسم تلقاه يشتري
فنيلة ناديه والبعض .. يشتري ربطات وطقم كامل .. والبعض يتعمق ويشتري كل شي يحمل اسم ناديه
وانا واحد منهم .. لين اخرتها في الصيف اللي راح قالي ابوي انقلع للندن وشف المباراة وتعال
عشان لايجيك شي لاسمح الله .. وسلم على ابراهيموفتش وقله يقولك ابوي ابي اسلم على اللعيبه هههه
عــاد بحكم اني اكتشفت قبل فترة كل شي عندي عليه اسم تشيلسي :D / قلت اكيد مثلي كثير
واعظم مني بعد .. ومن هنا نبي كل واحد يحط اللي عنده .. وانا ببتدي قبلكم
نبتدي أول بالتي شيرتات
طقم التشيلسي هذا الموسم
اللي على اليمين شاريها من النادي نفسه يوم رحت له في الصيف
والثانيه شاريها من موقع النادي
جميع طقوم التشيلسي سنة 2006 - 2007
فنيلة تبع الجينز
حتى جوالي تشيلساوي
اللي على اليمين اصلي ومن اديداس , اللي على اليسار من ماليزيا ويسمع بالاصلي خخخخخخخ
_______________________________________________
وهنا عاد اشياء ثانية غير التي شيرتات
أعـلام شاريها من ماليزيا , وهذي غرفتي الماليزية
وهــ يا 26
لك شو بحبك
شال شاريه من محل رياضة جمب بيتنا
بس مالبسته كثير لان اللي يشوفه يحسبه شال الزعيم ( الهلال )
كوبين لتشيلسي ومكتوب عليها بالانقليزي نحن ابطال 2005 و 2006
بتقولون ليه شاري اثنين .. بقولكم واحد اذا كنت ابي اشرب وواحد اذا مابي اشرب
لالا .. بس اشتريت اثنين لاني كنت في ماليزيا وقتها .. وماخذ احتياط اذا انكسر واحد او ضاع
اطبب الاحتياط .. وكويس اني فكرت كذا .. لان اول ماوصلت لرياض حصلت واحد متشعَر
وهذي تسريحتي وعليها [ حمّالة للأشيـاء ] بشعار البلوز يعني تحط فيها مشط طاقية اي شي يعني
وهذي علبة لأعواد الأسنان تحمل شعار التشيلسي
وهــ ع التسريحة البلوزية
الدرج الاخير من التسريحة وفيها سي دي شريته من معرض النادي وسلسال تلبسه اذا اشتريت
تذكرة دخول النادي زي بطاقة تثبت انك شريت ونفس الوقت هديه , وفيه شي زي تحفه تتعلق
في اللبس
وهذي الابجورة الكبيرة وعليها شعار النادي
وهذا العلم منتصب في غرفتي
ومخدتهم على كرسي مكتبي
والعلم على الطاولة // وهنا استمتع باللعب واندمج مع الاهداف اللي لنا واللي علينا هههه
وهذي الجلسة اللي قبال التلفزيون
هذي جمب التلفزيون
الباب حقّي ويحمل هالصورتين .. كل صورة فيه كم لاعب انتقل .. يبيلنا نشيلهم من القائمة
ذي والله للحين مدري وشي ههههههههههههه
اشتريتها من النادي في الصيف وللحين مافتحتها .. بس اللي اعرفه انها تتلصق ع الجدار
او الباب .. وحنا ناوين ننقل من بيتنا قـ تحسفت انقل واخليها .. وقلت منيب فاكها وملصقها
الا اذا نقلنا .. مرة وحدة
النسر شاريه من ماليزيا , والنسر الثاني [ بالاك ] جايني هديه من اخوي الصغير
__________________________________________________ ________
عاد هالحين نروح لسرير ونعرض لكم الأشياء الثانية الموجودة عندي
مخدتين كبار حلوات تتعلق في السيارة
قرابيع كثيرة من ماليزيا
بس ولايهمكم ناخذها حبّة حبّة
لصقتين تتعلق على الاكواب او الصحون او السيارة او اي شي
انا للحين ماستخدمتها .. لان عندي كوب تشيلساوي .. ومستحيل اعلقها في سيارتي
ومستحيل اعلقها في الجدار .. لان صمغها وقوي وبيصعب فكها بعدين .. يعني اللي يبيها
لايستحي
اما هاللوقو مدري وش كنت ماكل يوم اشتريه
مدري وش هدفه في الحياة .. حتى هاللوقو يوم كان الاسد ثقل مابعد التفت
هذي مثل حقت نيدو اول .. اللي تلصقها على كوبي واذا جاها شي حار تولّع
جاني وقت نقلت من غرفتي ورحت لغرفة ثانية وجبت قشي كله معي
واهم شي الحاجات التشيلساوية
حتى لمبة الاب توب زرقاء
الشي الوحيد للنادي اللي ممكن احطه في سيارتي
كيكه جتني من واحد عارف اني احب التشيلسي .. عاد اكرمت اخوياي في الإستراحة
وقلت بعطيكم وشوفني قطعت الفنيلة وقلت بس هذا اللي لكم / وانا لي هذا
وبقيت هذا كله لي ... اهم شي اللي حرصت اكله هو
اكلت هالقطعة
اوووف ياطعم اللوز
مدري طعمها حلو ولا عشانها تشيلسي صارت حلوة
وبعدها قلت خلاص انا اخذت قلب الاسد
انتم اخذوا الباقي
..
وسلامتكم
وترا اول موضوع لي ولا ادري عن القوانين ولا ادري عن شي
اذا مخالف الموضوع فـ اعتذر لكم
>> ;JJdt jufJJv uk pfJ; gkJh]d; F jajvd tkdgji ? ugl ;,f
|[ آعلآنآت المنتدىآ ]| 
المواضيع المتشابهه
العرض العادي
