08-28-2010, 08:27 PM
|
#1
|
|
+: [ VIp ] :+
:a2a1419:
|
بيانات اضافيه [
+
]
|
|
رقم العضوية : 13679
|
|
تاريخ التسجيل : Nov 2009
|
|
أخر زيارة : 09-09-2012 (04:51 AM)
|
|
المشاركات :
2,924 [
+
] |
|
التقييم : 2109
|
|
الدولهـ
|
|
الجنس ~
|
|
|
لوني المفضل : Crimson
|
|
يوميات بنت دلوعه وبنت عربجيه ...
بسم الله الرحمن الرحيم :
يوميات بنت دلوعه وبنت عربجيه :
الناعمه:
طبعا ً وهي نايمه الدبدوبي والغزولي والارنوبي كلهم في حضنها >> مشاعر فياضه ...,
واذا قامت من ماتقوم الا الساعه 1 الظهر لا بعد واللي يصحيها الشغاله <<< تقومها بالانجليزي ....
بس انا راح اترجملكم ...,
يلا مرام قومي ماما في قول قوم عاد
((يمديكم على الترجمه))
هي تقول اوكي وتجي امهاوتصحيها مرة ثانيه يامرام حبيبتي اصحي ... ترد مرايم ... ماما والله بدري الساعه 1 الظهر بدرررري <<<<< تدلع هي وخشتها .
قامت البنت من السرير وفتحت الستاير والشبابيك ,, عشان الغرفه تتنفس ... يااااااااااااي .. ((اموت بالركه))
وتشغل موسيقى رومنسيه عشان تروق بنت الحلال وراحت تاخذ حمام محترم وبعد ماتطلع من الحمام ورررررررررر على المرايه وتحط من هالكريمات والداعفيس على وجهها ... تعرفون لازم تحافظ على البشرة ..,,
خلصت من المرايه وتتجه الان الى الاستشوار وش... وش ... وش ...
وش لحوووول ساعتين عز الله اللي اندمرت هالشوشه ...
خلصت منه دقت البنطلون الجينز والبلوزة (هي لبست على الموضه بس ماني قايله) .. ونزلت تحت تفطر كاس عصير برتقال ... ياي مسويه رجيم
نجي للعربجيه <<< اموووووت انا بالعفاشه
تقوم الساعه 8 الصبح وهي ماودها تقوم ... ياسوير قومي يامال الحمى
لحووووووووووووووووووووول
زين زييييين << اهل الحاره يصحون معها ...
بس لوتشوفون شكلها وهي نايمه ... كراع هنا وكراع هناك ... لا وكل ثلاث ساعات وهي طايحه من السرير
<<< شايفتلها تفحيط يخرع
يجي اخوها حميد <<<اسمه محمد بس يدلعونه حميد ويقومها مرة ثانيه ياااا سوير تقول امي قومي جعلك الموت
ترد سوير ... اقول اطلع ولا صكيتك على جبهتك ...
ويجي مناحي اخوها الكبير ...
سوير وجععععععععع... ويعطيها ذيك الرفسه اللي خلت عظامها تهلهل >> عاش مشوووت
وبعد تلك الرفسه العنيفه ... فزت فزه مايعلمها الا الله وقالها مناحي ... قومي صلحي فطور عشر دقايق الا وهو جاهز زييييين ...
شوفي ابي قرص وخبز مسح <<< يعني خبز على الحديده > يعني . < اقول اخلصي
وقامت بعد جهد جهيد وعلى شتم ولعنت الحي والميت حتسسسسى ولدعم جد ابوها ماسلم منها جي ...
ونرجع للدلوعه :
وااااااااااااااااو << انكسر ظفرها
هذي ماتتغدا الا الساعه 3 او 5
لا ولا تتغدى الا على رز ابيض مسلوق وسلطه <<< تحافظ على الرشاقه راعوها
العربجيه:
تتغدا الساعه 12 بالضبط ولا تغدا الا على كبسه لاخلصت الا كاس لبن مراعي متولم عندها تشربه شربه وحده يعني مافي مجال انها تتنفس وتترع ذيك الترعه أأأأأأأأأأأأأأأأأأأأأأععع << طالعه من قلبها
الناعمه :
طلعتها تكون من بعد صلاة المغرب << ماتطلع في العصر ياااااي تحافظ على البشرة
العربجيه :
تطلع الساعه 2 القايله وتدقها كعاااااابي لبيت خوالها الين تنقلب خبز اسمر
الناعمه :
تروح للفيصليه ولا المملكه وقبل ماتروح السوق تمر على المشغل عشان تحط ميك .. اب سوق << مكياج السوق >>
على بالي اشرح العربجيه ..
تروح لسوق النسيم عشان تلقى العرابجه اللي مثلها
الناعمه :
اذا طلعت مع يارا ولارا << وخياره >>
ورولا ومايا <<< اروح يالموضه
العربجيه :
تطلع مع بنات خالاتها وضحى وعمشى وشقحى ومزنه ومنيرة (يعيش التراث)
الناعمه :
اذا شافت واحد حلووووو لابس صح وماركات وحركات وحاط سكسوكه ومحد قده قالت : يااااااااي بنات نازروا >> يعني ناظروا هذا الله يسلمكم ماغير من الدلع >> ياربيييييييييه واااااااااااو
عاد البنت اعجبها الشاب اللطيف هذا ودها تحتك وتقوم وتمر من عنده وتدفه بكتفها ولادفته بكتفها قالت اووووووه اسفه ويرد عليها لا عادي وتبتسم ذيك الابتسامه اللي شقت وجهها وتخزه بهالنظرات وتسلهم بهالعيون وهو دوره ماتلقاه من الحياء
العربجيه :
لاجات تزين شخطت هالعيون بهالكحل اللي يضرب لين اذانها وتضرب بها البرقع وطلعت هي وشقحى ومنيرة ومزنه وعمشاء لسوق النسيم عاد العربجيه يمر من عندها واحد راكب جيب فكس ااار موديل 2002 وداق شماغه كوبرى ويمر بهالجيب ويسوي حركات استعراضيه وتقول يا بنات تكفووووووووووووون شوفو ياويلي ويلاااااااااااااه تكفون يالربع
وتقوم بنت الحلال وتقززززززه قز والرجال راح في خرايطها وعاد لاشافها تقزه قال ... ياغزال ارحم حاليييييييييي ياويلي تكفون ياعربان
الناعمه :
اذا مر عليها واحد قروي قالت وععععععععع الله يقرفك ... تقل شايفه صرصور
الله يعزكم
نعم وش تبي يلا هناك بلا قراوى >> ادعس يالرقيقه
العربجيه :
اذا مر عليها واحد لابس بلوزة ضيييييييييييييقه وبنطلون ضيييييييييق << باين انه منكتم من الضيق وقالها ياحلو عطني وجه قالت ... اقول احسن لك ضف وجهك لايجيك شيء مايطيب خاطرك
قال .. ليش العصبيه هذي قالت .. اقول والله لو ماتضف خشتك لااتوطى في حوض بطنك .. علم جاك وتعداك تى مابي اغلط عليك تراك مثل اخـــــــــــتي <<< يقالها ماغلطت اللحين
>> والله بصراحه شكله بنت
الناعمه :
لاجات تضحك هههههههه . << لحظوا النقطه ابوك يالترتيب
العربجيه :
اذا ضحكت اضحكت كذا هع هع هع هع هع ... الحمدلله والشكر تقول بالعتنلها بعير واذا جات تمزح مع حميد اخوها اعطته كف حلاقه ... يعني كف قوي على رقبته >> على بالها تمون
الناعمه :
اذا تحب تسمع اغاني ماتسمع عربي خلقه ماتسمع الا ريكي مارتن طبعا ً لانه حلووووووووووو
وممثلها المفضل ..
توم كروز لا وسامته وميل جبسون وجيم كاري لخفه دمهم واحلى ممثله عندها جوليا روبرتس << ساعه لين جبت خبرها
العربجيه :
الاغاني اللي تسمعها خلف بن هذال وحجاب بن نحيت وبشير حمد شنان وعيسى الاحسائي >> ياروحي يالفن
الناعمه :
لما تتفرج على التلفزيون تجلس على الكنب وتحط رجل على رجل وتبتسم لان الابتسامه تضفي بشاشه على الوجه
العربجيه :
لاجات تناظر التلفزيون تشوف غصب واحد وغصب اثنين ..وتجلس على الارض وتحط المركه وراها والكراعين على التلفزيون وان زهقت من القناة الاولى دقت التلفزيون باصبع رجلها وحطت القناة الثانيه
الناعمه :
اذا تبي تحلم احلام يقظه طلعت برى في الحديقه حقت بيتهم وجلست على الكرسي هزاز وقام الكرسي يروح ويعود >> مندمجه
العربجيه :
اذا تحلم احلام يقظه طلعت برى في حوشهم وفرشت البساط << ابو خمس طعش اللي مخطط باحمر وازرق عرفتوه
وتحط المركه ودله قهوه وشاهي وصحن مضير .. بسكوت البدو
d,ldhj fkj ]g,ui ,fkj uvf[di >>>
|
|
|
|
|[ آعلآنآت المنتدىآ ]| 
المواضيع المتشابهه
[/IMG]
العرض العادي
