تذل الروح حسبالك احاجيك
وحسبالك اذل الروح يمك
دموت ابحصرتك والكعبة ماجيك
سبحة اتطشرت ماتسوة المك
جنت مثل اورد كلساع اشم بيك
... ترد روحي جنت لمن اشمك
بس هسة اذا ينجاب طاريك
اعوف الكعدة كلهة البيهة اسمك
يسألوني
شجاك ؟ شبيك وشصار
وين الي عليه دم تبجي لعيون
واضل افرك بدية واخلق اعذار
واحتار شأجاوب من يسألون
انتهى حبنة اكلهم صار تذكار
وبيه وبيك اخليهم يشمتون
وانا من يذكرونك اشتعل نار
احاول اخفي بس تفضحني لعيون
احبك كلهة تدري صغار وكبار
اكلهم ماكو قسمة شلون يصدكون
كتلهم تركتة وانه غدار
ويدروني وفي ويدرونك اتخون
وتعرف حجي الوادم مثل الحجار
وخذو راحتهم ابجامي يكسرون
|
|[ آعلآنآت المنتدىآ ]| 
العرض العادي
