بكل صراحة كيف حبيت تشلسي { الرجاء يرجوا الدخول } بسرعة

موضوع مميز أشكرك عليه..
أنا قصتي مو بعيده عن قصص أخواني..
قبل سنوات كان فيه برنامج كل يوم سبت يجي على القناه السعودية يتكلمون عن الدوريات الاوربيه
وكان يجي متأخر وكنت احب أتأخر عشانه وأجلس أتابع..
أعجبني لعب الانجليز من ناحية السرعة وتطبيق الكرات العالية اللي هي الان تسمى الكوره الثانية عند الايطاليين.
استمريت بالمتابعه لسنوات بس ماكنت اعشق ولا نادي لأن الوضع اول بصعوبه تتابع كرة قدم اوربية مو مثل الحين
في عام 2003 قررت إني اتابع دوري الابطال كامل حتى مباريات المجموعات
أعجبت بطريقة لعب بورتو كان مدربهم مورينيو وكان واضح عليه انه شخصية قوية..
كنت أقول لأصدقائي هذا مورينيو راح يغير شي كثير في بورتو وفعلآ حقق دوري الابطال..
بعدها صرت أهتم في هذا المدرب ولما وصل الى تشيلسي كنت اعرف تاريخ تشيلسي ولا توقعت انه راح يسوي شي بس صار احساسي خاطئ ونجح مع تشيلسي وتشيلسي ايضآ نجح معه..
ندمت كثيررررر لما طلع القرار بإستقالته بس تأكدت إن مورينيو حقق لتشيلسي شي كبير ومازال هذا الشي موجود..صحيح تشيلسي تاريخه مو مثل الريدز ولا المان لكن أن تكن في كل بطولة موجود فهذا مخيف لجميع خصومك والكل يحترمك..
المعذره أطلت عليكم بس هذي قصتي